Kæru félagsmenn

Félagsfundur FVFÍ verður haldinn mánudaginn 10. mars næstkomandi klukkan 19:00 í húsnæði félagsins að Borgartúni 22.

Dagskrá:

1. Stjórn sjúkrasjóðs kynnir tillögur að breytingum á reglugerð sjúkrasjóðs FVFÍ fyrir komandi aðalfund FVFÍ og er þetta fyrri fundur af tveimur. Breytingar á reglugerð snúa að eftirfarandi þáttum:
   1. Réttur til sjúkrastyrks
   2. Réttur í færðingarorlofi
   3. Geymd réttindi
   4. Vísitölu viðmið fjárhæða
2. Kjaramál tengd aðalkjarasamningi FVFÍ og Icelandair.
3. Önnur mál.

Boðið verður upp á veitingar og samtal.

Hvetjum alla félagsmenn til að mæta og láta sig málefni félagins varða.

Stjórnin

Kæru félagsmenn,

Núgildandi kjarasamningur milli FVFÍ og Icelandair er með gildistíma úr árið 2025. Samningurinn hefur verið í gildi frá ársbyrjun 2021 og í ljósi þessa langa tíma langar stjórn FVFÍ að leita í baklandið og gefa félagsmönnum starfandi hjá Icelandair tækifæri til þess að koma sínum athugasemdum á framfæri í gegnum hugmyndabanka.

Þetta er fyrsta skrefið í undirbúningi fyrir þær samningaviðræður sem fara í gang seinna á árinu. Þær hugmyndir og gögn sem berast munu nýtast stjórn og vinnuhópum við að móta áherslur fyrir komandi viðræður.

Í Appi FVFÍ má finna frétt með tengli á hugmyndabankann. Fyrir þá sem ekki hafa sótt appið nú þegar þá má nálgast það fyrir bæði Apple og Android með því að ýta á hlekk hér að neðan:

Android : FVFÍ

iOS-Apple: FVFÍ

Á sama tíma og við hvetjum ykkur til þess að vera óhrædd við að koma með hugmyndir að kjarabótum fyrir flugvirkja FVFÍ þá óskum við eftir málefnalegri umræðu, og ef við á gögnum til rökstuðnings.

Stjórn og vinnuhópar vilja fyrirfram þakka félagsmönnum fyrir að leggja sitt af mörkum við undirbúning fyrir komandi kjaraviðræður.

FVFÍ áskilur sér rétt til að hafa samband við aðila varðandi rýni á innsendum gögnum og vinnslu þeirra.

Stjórn FVFÍ

Opnað verður fyrir umsóknir um orlofshús FVFÍ 17. janúar kl 12:00.

https://orlof.is/fvfi/

Tímabilin eru annars vegar páskavikan og hins vegar tímabilið til 31. maí 2025

Páskavikunni verður úthlutað eftir punktakerfi en annars gildir fyrstur kemur fyrstur fær.

60 punktar frádráttur fyrir leigu í páskavikunni.

Opnað verður fyrir umsóknir 17/01/2025 12:00.

Lokað fyrir umsóknir 27/01/2025 kl 23:59.

Kæru félagsmenn.

Skrifstofa FVFÍ verður lokuð frá og með 23. desember og opnar aftur 30. desember.

Kærar jólakveðjur frá FVFÍ.

Bókanir fyrir tímabilið Janúar – Apríl 2025 verða opnaðar á mánudag 18.nóvember kl 12:00.

Páska-dagar fara í sér úthlutun en það verður auglýst síðar.

www.orlof.is/fvfi

Félagsmenn FVFÍ

Félagsfundur FVFÍ verður haldinn þriðjudaginn

19. nóvember 2024 næstkomandi klukkan 20:00 að Borgartúni 22.

Dagskrá:

1. Erindi frá Viðari Halldórssyni prófessor í félagsfræði.
2. Kynning frá Birki Halldórssyni og Gunnari Bjarnasyni á ferð sinni til Ástralíu á AEI ráðstefnu fyrir hönd FVFÍ.
3. Önnur mál.

Mætið vel og stundvíslega

Stjórn FVFÍ

Fyrsti félagsfundur vetrarins var haldinn í sal FVFÍ fimmtudaginn 3. Október og var vel sóttur af tæplega 50 félagsmönnum. 

Björn Berg frá bjornberg.is hélt hnitmiðað erindi um lífeyrismál og þá sérstaklega tilgreinda séreign og hvað ber að hafa í huga þegar líða fer á seinni árin.

Erindið var afar fróðlegt og vakti mikinn áhuga viðstaddra.

Einnig var ný skemmtinefnd kynnt til leiks og verður mjög spennandi að sjá hvað þeir bera á borð fyrir félagsmenn. Án efa verður það þeim til sóma og félagsmönnum til góða.

Meira má lesa um lífeyrismál á lifeyrismal.is og hvetjum við alla til að kynna sér sín mál vel og reglulega.

Þann 25. september síðastliðinn var undirritaður kjarasamningur milli Flugvirkjafélags Íslands og Flugfélagsins Atlanta um kaup og kjör flugvirkja starfandi hjá fyrirtækinu. Kjarasamningurinn var lagður fyrir félagsmenn og samþykktur með meirihluta atkvæða.

Undirbúningsámskeið fer fram dagana 11.-15. nóvember, milli kl. 18:00 – 21:00 í sal félagsins að Borgartúni 22. 3. hæð.

Umsóknir þurfa að berast fyrir 27. október 2024. Umsóknareyðublöð má nálgast á heimasíðu félagsins, undir Eyðublöð og sendist til Flugvirkjafélag Íslands, Borgartúni 22, 105 Reykjavík, eða á flug@flug.is

Prófgjald kr. 5.500.- Námskeiðsgjald kr. 35.500.-

Þeir sem hafa verið meðlimir FVFÍ í 6 mánuði greiða ekki námskeiðsgjald.

Nánari upplýsingar hjá skrifstofu félagsins í síma 562 1610.